постық тізімдеме

постық тізімдеме
(Постовая ведомость)
қарауылды дайындау және қарауыл қызметін атқару кезінде толтырылатын қызметтік құжат. ҚР ҚК гарнизондық және қарауыл қызметі Жарғысына сәйкес П.т-де төмендегілер көрсетіледі: қарауыл түрі (гарнизондық, ішкі), оның нөмірі, қызмет атқару мерзімі, посттар кестесі (олардың нөмірлер саны, сақшылар, таратушылар ауысымы және қарауылдардың посттарға түсу уақыты көрсетіледі). Онда қарауылды тексеру нәтижелері, тексерушілердің нұсқаулары, қарауыл бөлмесіне және күзету объектісіне жіберу, қарауыл кезінде болған оқиғалар туралы, күзету объектісіндегі қоршаудың дұрыс еместігі анықталған жағдайлар және оны қалпына келтіру уақыты туралы жазбалар көрсетіледі. Алмастырылатын және жаңадан түсетін қарауылдардың бастықтары П.т-ге анықталған кемшіліктерді көрсете отырып, қарауыл ауысымы жөнінде қол қояды. П.т-ні қарауыл тағайындалатын бөлімше командирі таратуға соңғы қарауылды жіберер алдында толтырып, қол қояды. Бөлімше командирі қарауыл ауысымынан кейін П.т-ге жазылған тексерушілердің ескертулері бойынша келесі күннен қалдырмай бөлімшенің барлық жеке құрамының қызметіне талдау өткізеді, содан кейін, ескертулер бойынша қабылданған шараларды белгілеп, П.т-ні бөлім штабына жібереді. Әскери бөлімнің штаб бастығы бұл П.т-ні қарауы және шешім қабылдауы үшін бөлім командиріне тапсырады. Әскери бөлімнің штаб бастығы анықталған кемшіліктерді жою үшін қабылданған шараларды көрсете отырып гарнизондық қарауылдың П.т-сін гарнизонның әскери комендантына жолдайды.

Казахский толковый терминологический словарь по военному делу. — Мектеп.

Поможем написать реферат

Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»